Grunneger Dainst ien Muntjeziel zundag 5 mai om elf uur ien Protesandse Kerk

Inloop vanaf 10:30 uur

Aanvangstijd: 11:00 uur

Voorganger: T.J. Oldehuis uit Coevorden

Oppas (en kindernevendienst)

Organist: Bert Bolhuis

Welkom

Zingen: psalm 65 vers 1 en 2 “De silte komt Joe lof tou.”

1       Ien stilte komt Joe lof tou, HERE,

ien Sion klinkt ons laid.

Loat elk en ain joen noam vereren,

dij van joen goudhaid wait.

t Gebed van ons wil Ie verheuren,

vergeven ale schuld.

Wat wie Joe vroagen, zel gebeuren,

zo wordt t gebed vervuld.

2       Hou zoaleg hai, dij Ie verkaizen

en nuigen ien joen hoes.

Al zol hai ales ook verlaizen,

bie Joe het hai zien thoes.

Doar ien joen hoes wil Ie ons geven,

joen haail en overvloud.

Zo mag wie doar ien welstand leven,

o God, wat heb wie t goud!

Stil gebed

Votum en groet

Zingen: psalm 65 vers 3

3       Joen traauw bliekt oet joen grode doaden,

as antwoord op t gebed.

Zo leven wie van joen genoade,

ons levent heb Ie red.

Joen traauw bliekt tot aan verste swetten,

geldt haile wereld rond.

Loat elk en ain doar goud op letten,

pries God mit haart en mond.

Gebed

Lezen van de wet.

Zingen: psalm 25 ves 2 “Heer wil mie Joen wegen leren”

2       HEER, wil mie joen wegen leren,

wies mie t pad, doar k lopen mout.

Ien joen woarhaid wil k verkeren,

want bie Joe, mien God, is t goud.

Joa, ik vien bie Joe allain

aal mien haail. Ik zit te wachten,

aaldeur noar Joe oet te zain,

nooit goan Ie oet mien gedachten.

Lezen: Johannes 21 vers 15 tot 23

15 As t eten doan is, zegt Jezus tegen Simon Petrus: "Simon, zeun van Johannes, holdst meer van mie as zai doun?" "Joa zeker, meneer," zegt e. "Ie waiten dat k slim wies mit joe bin." "Waaid den mien lammer,"zegt Jezus.

16 Vannijs zegt e tegen hom: "Simon, zeun van Johannes, holdst van mie?" "Joa meneer, ie waiten dat k wies mit joe bin." "Waaid den mien schoapen."

17 Veur daarde moal vragt Jezus hom: "Simon, zeun van Johannes, holdst van mie?" Dou wer Petrus sneu, omreden Jezus haar hom dat nou al veur daarde moal vroagd. En hai zegt: "Meneer, ie waiten ja ales, den begriep ie ook ja wel dat k veul van joe hol!" "Zörg den veur mien schoapen. 18 Dou der denk om, doust jonger wast, trokst die zulm aan en konst dien aigen gaang goan. Mor ast old worden bist, zelst dien handen oetstrekken mouten, en n aander zel die aantrekken; ze zellen die brengen woarstoe laifst nait wezen wilst." 19 Woar of e mit zeggen wol hou of Petrus deur zien menaaier van oet tied kommen God eren zol. As e dat zegd het, zegt e tegen hom: "Blief nou mor bie mie."

20 Petrus draaide zok om en zigt leerling woar Jezus veul mit op haar ook mitkommen, zulmde dij indertied bie etens achterover tegen Jezus bòrst aanleund haar en vroagd haar: "Wèl zel joe den verroaden?" 21 Dén zegt Petrus tegen Jezus: "En wat wordt ter den van hom, meneer?" 22 "Stel ik wil dat e in leven blift tot ik kom, wat gaait die dat aan? Blief doe nou mor bie mie."

Zingen: Gezang 222 vers 1 en 3 “Jezus is ons licht en leven”

1       Jezus is ons licht en leven!

Hai het zuk aan t kruusholt geven,

ien zien laifde aan ons docht,

deur zien bloud ons vrijsproak brocht.

As een held is Hai verrezen,

dood zien macht zel nait meer wezen!

Halleluja! Halleluja!

3       Dood het t oflegd tegen t leven;

vrijhaid wordt aan ieder geven.

Dood, woar is dien grode macht,

woar dien prikkel, woar dien kracht?

Al wèl vrijkocht is mag hopen,

hemeldeur staait haildaal open.

Halleluja! Halleluja!

Preek over Johannes 21 vers 17

17 Veur daarde moal vragt Jezus hom: "Simon, zeun van Johannes, holdst van mie?" Dou wer Petrus sneu, omreden Jezus haar hom dat nou al veur daarde moal vroagd. En hai zegt: "Meneer, ie waiten ja ales, den begriep ie ook ja wel dat k veul van joe hol!" "Zörg den veur mien schoapen.

Zingen: Gezang 305 vers 2 "O Heer, joen overwinnend woord"

2       O Heer, joen overwinnend woord

gaait toerloos deur mit kracht en voart

wat mensken ook beweren.

Woar dat wie hail gain oetweg zain

doar mag wie deur geloof allain

vannijs weer raais aanveerden.

Destieds mouk Ie joen volk weer vrij,

heur wer, ien stee van sloavernij,

t laand van belofte geven.

Heer, moak t ook zo mit ons geslacht,

den vien we dwaars deur duust're nacht

joen hoes om doar te leven.

Geloofsbelidenis.

Zingen Gezang 255 vers 1 “Eer komt tou aan God de Voader “

1       Eer komt tou aan God, de Voader,

eer komt tou aan God, de Zeun,

eer aan haail'ge Gaist, de Trooster,

drij ien ain, halleluja.

Halleluja, halleluja,

drij ien ain, halleluja!

Dankgebed

Collecte

Slotzang: Gezang 444 vers 1 tot en met 3 Grode God wie priezen Joe

1       Grode God wie priezen Joe

om joen kracht en aalvermogen!

Haile wereld bogt veur Joe,

mout joen grode noam verhogen.

Zulfde Here bin Ie aaid,

blief Ie tot ien aiweghaid.

2       Elk bezingt joen laifde, Heer,

elk wil aal joen groothaid priezen.

Ale engels om Joe heer

blieven toerloos eer bewiezen:

'Haaileg, haaileg, haaileg' zingt

t hemelkoor dat Joe omringt

3       Wees genoadeg over ons,

reken nait wat wie misdeden,

dail joen zegen oet aan ons,

aan joen kiender dij Joe t beden.

Aiweg blift joen traauw bestoan -

loat ons nait verloren goan.

Noa de dianst zingen wie 2 coupletten van ’t Wilhelmus

i.v.m. 5 maai